Vakanzenjobs fir Studenten

D’Gemeng Ierpeldeng-Sauer sicht fir d’Summervakanz 2025 motivéiert Studenten aus der Gemeng déi gewëllt sinn sech fir e Vakanzenjob bei eis ze engagéieren.

Wéini kann ee schaffe kommen?

• Vu Méindes, den 21. Juli 2025 bis Donneschdes, de 14. August 2025
• oder
• Vu Méindes, den 18. August 2025 bis Freides, den 12. September 2025

No wéi enge Krittäre stellt d’Gemeng d‘Studenten an?

• 50% Meedercher a 50% Jonge ginn agestallt
• Alter, ab 15 Joer an déi eeler Studenten hu Virrang op déi jonk
• Déi selwecht Aarbecht fir béid Geschlechter
• All Student/in huet am Prinzip nëmmen eemol am Laf vu senger Studienzäit Urecht op e Studentenjob an der Gemeng
• All Student ka jeeweils nëmme fir eng Period agestallt ginn (entweder A oder B)

Wéi a bis wéini kann een sech umellen?

All Demandë soll per Post (B.P. 39 L-9001 Ettelbruck) oder per Email ([email protected]) bis spéitstens Freides, den 21. Februar 2025 un de Schäfferot adresséiert ginn.

De Schäfferot hëlt virum 31. Mäerz 2025 eng Entscheedung an informéiert d’Kandidaten.